OROITZAPEN AHAZTEZINAK

Zeintzuk dira nire Lehen Hezkuntzako etapa konfiguratzen dituzten argazkiak?

Nola eragin dit orain dudan maisu-maistra irudia sortzen?

Gaurko egunean klasera, gure Lehen Hezkuntzako etapa konfiguratzen dituzten 10 argazki eraman ditugu. Bertan gehien gustatzen zitzaigun argazkia aukeratu eta egoera horri buruzko deskribapen labur bat egin dugu. Ondoren, argazki horrek maisu-maistra irudia sortzen nola eragiten digun azaldu egin dugu.  Klase oso berezia izan da, txikitako momentu asko gogoratu ditugulako eta momentu guztiak poztasunarekin lotzen genituelako.

Jarraian nire Lehen Hezkuntzako etapan  garrantzitsuak izan diren zenbait argazki komentatuko ditut:

Argazki honek urte asko dituen arren, Lehen Hezkuntzako argazkirik politena dela esan dezaket.
Bertan, nire 2 neba  eta nire ahizpa txikia  eta ni ageri gara, eskolako jaialdiaren ostean eginiko argazki bat da. Laurok beti eskolako jaian lortutato edo egindako zerbait  eramaten genuen etxera, gurasoiei eta aiton-amonei erakusteko irrikitan egoten ginela gogoratzen dut. Lehen Hezkuntzako garaia poztasunarekin lotzen dut, beti jolasean geudela gogoratzen dudalako. Ume guztiak eskolaren jaialdia noiz helduko zen irrikitan geunden beti. Normalean klasera heltzen ginenean 10ak aldera arte irakaslearekin egoten ginen eta bertan nola igaro genuen ikasturtea komentatu egiten genuen eta 10ak aldera eskolako patiora ateratzen ginen. Patioaren erdigunean antzoki bat zegoen, izen hartutako taldeek dantzatu edo abesteko eta patioaren ingurunean postu aso zeuden (aurpegia margotzeko, marrazkiak egiteko, pultserak egiteko, gezurretako arrainak harrapatzeko...). Ni postu guztietatik igarotzen nintzen eskulanak egitea asko gustatzen zitzaidalako, baina eszenatokira ez nintzen inoiz igo, jende aurrean dantza egiteak lotsarazten ninduelako. Goizeko jaialdiari amaiera emateko txokolatea bizkotxoekin banatzen zuten eta ondoren irakaslea agurtu eta ordu batetarako etxera abiatzen ginen, arratsaldeko jaialdian indarrekin egoteko.
Argazki honek garatzen ari naizen maistra irudian funtsezkoa iruditzen zait umeek  haien taldekideen artean disfrutatzea eta jaialdi honetan sormena eta talde lana bultzatzea, besteak beste, dantzak prestatzeko  edo eskulanak egiterako orduan. Gaur egungo hezkuntzan ezinbesteko da umeek haien irudimena erabiltzea eta horretarako irakasleek ez dute sormen hori mugatu behar, baizik eta umeei ilusioz eta motibazioz lan egitera bultzatu.

Argazki hau abenduaren 3an, euskararen egunean egindako argazki bat da. Bertan LHko eta HHko ziklo guztiak elkartzen ginen, talde bakoitzeko 4 umek eskuetan bakoitzak globo bat zuen eta klasean taldekideen artean adostutako mezu bat zegoen jarrita. Egun hau ere, oso polita izaten zen, umeek aldi berean botatzen zituztelako globoak zerurantz, nahiz eta baten bati beti arinago askatzen zitzaion globoa . Urte horretan zehar  globoan idatzitako mezua iparraldeko pertsona batek aurkitu zuen eta  eskolara deitu egin zuen esanez mezua jaso zuela eta horrek oso pozik jarri gintuen. Talde guztietako pertsonak elkartzen ginen patioaren erdigunean eta denok batera euskararen aldeko abesti bat abesten genuen eta gero aukeratutako ikasleek globoak  botatzen zituzten, zerua guztiz koloretsu gelditu arte. Ekintza honek etorkizuneko irakasle moduan euskararen egunerako ekintzaren bat egitea ezinbestekoa dela iruditzen zait, umeek euskaraz hitz egitera bultzatzeko eta aldi berean egun desberdin bat taldekideen artean pasatzeko. Globoak askatzen genituen momentuan  askatasunarekin irudikatzen dut, eta garai horretako beste ezaugarri bat izango litzateke, nahiz eta askatasun hori askotan bai klase barruan zein kalean mugatu egiten ziguten.

Ikusten duzuen bezala mozorrotuta gaudenez, eskolako inauteriak ospatzen ari ginen. Argazkian txikitako nire lagun minak agertzen dira, Lehen Hezkuntzan izan nituen pertsona garrantzitsu batzuk. Asko gogoko nuen india mozorrotuta joatea, urteak pasa ahala geroz eta txikiago geratzen zitzaidan arren. Inauteri egunean ziklo bakoitzeko talde guztiek aurretik irakasleekin prestatutako dantza bat egiten genuen eta bertara guraso, lagun, aiton- amon asko hurbiltzen ziren ikustera eta bide batez argazkiak ateratzera. Poztasunez betetako egunak izaten ziren eta oroitzapen onak bakarrik etortzen zaizkit egun horiek gogoratzean.

Argazki hau ere, beste urte bateko inauteriak ospatu baino lehen etxean ateratako argazkia da. Bertan,  nire ahizpa txikiarekin agertzen naiz. Biak indiaz mozorrotuta gaude, nahiz eta nire ahizparen mozorroa eskuz eginiko mozorro bat zen. Ume txikien mozorroak eskuz  eginiko mozorroak ziren eta eskolan nola egin behar ziren ereduak jartzen zituzten, nagusiagoak ginenean mozorroen gaiari lotutako mozorroak aukeratzen genituen. Inauteriak arratsaldean izaten ziren eta gehienok oso urdurik jartzen ginen eguna heldu behar zenean. Egun hau irakasle irudia sortzerako orduan egun oso esanguratsua dela esan dezaket, primeran pasatzen nuen egun bat zelako eta mundu guztia ilusioz beteta zegoelako, bai umeak, bai ikasle edo familiak.

Argazki honetan Lehen Hezkuntzako taldearekin jolasten nuen bitartean nire amak eginiko argazkia bat da. Argazki honek garrantzi handia dauka, saskibaloian jolasten Lehen Hezkuntzako 5. mailan hasi nintzen eta orain arte, kirol hau praktikatzen jarraitzen dudalako. Eskumaldean dagoen argazkia, ordenagailuan aurkitutako argazki bat da (gauza guztiei argazkiak ateratzen nizkiolako) eta blogean txertatzea egokia iruditu zait txikitan saskibaloia praktikatzen hasi nintzenetik bizkarrean daramadan zenbakia delako. Kirola egiteak, niri bizitzan asko lagundu egin nau eta horregatik  komenigarria dela uste dut. Gainera, balio asko transmititzen dituenez, besteak beste, besteekiko errespetua edota talde lana irakasle irudia sortzeko ezinbestekoa den arlo bat da. Heziketa Fisikoko klaseak plastikarekin batera, nire gustukoenak ziren, ez nintzelako aulki batean jesarrita egon behar. Nire hezkuntzan heziketa fisikoan izan ditudan esperientzia positiboengatik eta kirola egitea betidanik asko gustatu zaidanez, etorkizunean gorputz hezkuntzako irakaslea izan nahi dudala txikitatik izan dut garbi.

Argazki hauek 2009. urtekoak dira, LEA aldizkarikoak ( Landako Eskolako Aldizkaria). Egun bakoitzean lau pertsona desberdinek egiten zuten aldizkari bat da eta karpeta batean aurkitu ditudanez,  blog honetan txertatzea pentsatu dut, Lehen Hezkuntzako ekintza berezi eta original bat zelako. Aldizkaria egiten genuen egunean lan gogorra egiten genuen, izan ere, jendeak ekarritako albiste interesgarriak, idazlanak,  inkesta,  elkarrizketa edo entretenigarriak aukeratu behar genituen eta hori dena ordenagailuan sartu.  Ekintza desberdin oso interesgarri  bat zen, ikasleek egindako aldizkari bat zelako, baina beti ere, irakaslearen laguntzarekin. Irakasle irudia sortzerako orduan, aldizkariaren jarduera kontuan hartzeko proposamena da, ikasle autonomoak eta aldi berean talde lanean aritzeko prestatzen lagungarria delako. Horrelako jarduerek umea hezkuntzaren ardatza dela adierazten dute eta era berean, eskolaren partaide sentitzen dira.

   
HHko eta LHko ikasketak egin nituen eskola ageri da argazkian. Argazki hau garrantzitsua iruditzen zait bertan nire bizitzaren urte garrantzitsuenak igaro nituelako eta gehienbat esperientzia onak  ditudalako eskola ikustean. Landako eskolak Amara Berri sitema zuen eta bertan taldeak ez ziren adin berdineko umeekin bakarrik osatzen, 1 eta 2. mailakoak elkartzen ginen eta txokoetan lan egiten genuen, horrela nagusienak txikienari irakats ziezaiokeen. Baita ere, ikastetxeko irratia, prentsa, liburutegia, telebista, erakusketak eta ikuskizunak bezalako ekintzak egiten genituen.  Irakasle moduan talde lanean txikitatik aritu naizenez beharrezkoa iruditzen zait hezkuntzan talde lana aplikatzea, horrela ikasleek ikaskuntza esanguratsu bat izango dutelako. Gainera, umeek haien esperientzien bitartez ikasten dutenez gauzak praktikara eramatea  ezinbestekoa delaren ustean nago  eta beraz, nire maistra irudia sortzean eragin handia izango dute nik Lehen Hezkuntzan izandako bizipenek .

Argazki hau  txikitan egindako hontz bat da. Klaseak amaitu ostean, astean 2 aldiz klase batera joaten ginen eta bertan eskulanak egiten genituen. Asko gustatzen zitzaizkidan horrelako gauzak egitea eta gero egindako lan guztiak etxera eramaten genituen (lapitzak gordetzeko ontziak, marrazkiak, gabonetako arbolan jartzeko bolak...). Argazki hau irakasle irudia garatzeko lagungarria iruditzen zait, izan ere, umeek irudimen asko dute eta sormen hori gehiago garatu beharko litzateke beste ikasgai batzuk garatzen diren moduan. Esaterako,  astean zehar, matematikako 3 klase izaten  genituen eta plastikako klase bakarra. Gainera, plastikako egun hori matematikarekin banatzen genuen (45 minutu matematika eta beste 45 minutuak plastika). Azken finean, esan nahi dudana da umeari ez zaiola haren irudimena edo sormena galarazi behar, baizik eta, aske jarduten utzi behar zaio eta bere irudimenarekin gauzak egitera bultzatu.

Argazki honetan aste bete Berrizen  ingeleseko kanpamentu batean eginiko argazkia da. Eskolarekin irteera bat egingo genuela esaten zigutenean oso pozik jartzen ginen eta egun hori noiz helduko zen itxaron ezinean egoten ginen, eskolatik ateratzearekin, edonora joan arren, zoriontsu eta urduri jartzen ginen. Eskolarekin egindako lehendabiziko gaueko eta eguneko irteera bat izan zen, maleta ia aste beste lehenago prestatu nuela gogoratzen dut. Bertan, dinamika askoren bitartez ingelesez hitz egitera bultzatzen ziguten, esan beharra dago ingelesez hitz egiten asko hobetu genuela. Irakasle moduan lan egiteko baliabide desberdinak kontuan hartzeko ezinbestekoa dira honelako ekintzak.

Amaitzeko, argazki hau aukeratu dut nire  Lehen hezkuntzako etapan familiarekin egindako argazki bat delako. Etxeko patioan nire 2 nebekin eta ahizparekin agertzen naiz. Lehen hezkuntzako urteetan denbora asko igaro izan dudan leku bat izan da, klasean ez nengoenean etxeko patioan egoten nintzelako auzokoekin edozertara jolasten (futbolean, saskibaloian, ezkutaketan, tenisean, soka saltoan...). Urte horien artean hitz esanguratsu batzuk  jolasa, poztasuna eta askatasuna izango ziren, ez genituelako errespontsabilitate askorik eta jolasean aritzen ginelako indarrik geratzen ez zitzaigun arte. Nire irakasle irudia sortzerako orduan, baita ere lagungarria iruditzen zait, ez delako bakarrik eskolan ikasten, jolasean, kalean eta familia artean bizitzen gauza asko ikasten ditugulako.